DSRL Mode Dial

ပွတ်းတွၼ်ႈၼႆႉႄတႉ ပဵၼ်တွၼ်ႈ Mode Dial ဢၼ်ၵိုၵ်းမႃးၸွမ်း ၵွင်ႈထႆႇ DSRL ၼၼ်ႉယဝ်ႉ။ မူိဝ်ႈ ၸႂ်ႉၵွင်ႈထႆႇ DSRL ေသ ေတထႆႇၶႅပ်းႁၢင်ႈ ဢၼ်ႁဝ်းလႆႈလိူၵ်ႈ Manual ၶဝ်လႂ် Auto ၶဝ်ထႆႇၼၼ်ႉ ႁဝ်းတၵ်းေတလႆႈလိူၵ်ႈ ဢဝ်တီႈ  Mode Dial ၼႆႉယူႇဢမ်ႇႁၢင်ႉယဝ်ႉ။

တီႈၼႆႈ ပိၵ်ႉသမ်ႉဝႃႈ Mode Dial မၼ်းေတပႅၵ်ႇပိူင်ႈၵၼ်ၸွမ်းမိၵ်ႈ (Brand) ၵွင်ႈထႆႇမၼ်းေသတႃႉ ငဝ်ႈၶၢမ်ႇပိုၼ်ႉမၼ်းႄတႉ မူိၼ်ၵၼ်မူတ်းၵူၺ်းၼင်ႇၵဝ်ႇ။ ယွၼ်ႉၼၼ်ႄလႈ ၼႂ်ႈတွၼ်ႈၼႆႉ ေတသပ်း လႅင်းႄၼ ပိုၼ်ႉထၢၼ်ၶွင် လွင်ႈႁဵတ်းသၢင်ႈ Mode Dial ၵႂႃႇယူႇ။ ဢွၼ်တၢင်းသုတ်း Mode Dial ၼႆႉ ၸၢင်ႈၸႅၵ်ႇႄၽလႆႈ ႁႂ်ႈပဵၼ်သွင်ပွတ်း သွင်တွၼ်ႈ။ ၼၼ်ႉေၵႃႈ ပဵၼ် Creative Zone ႄလႈ Automatic Zone (Basic Zone) ၼၼ်ႉယဝ်ႉ။ လဵပ်ႈႁဵၼ်းတူၺ်းတီႈ ၶႅပ်းႁၢင်ႈမႆၢသွင်လႆႈယူႇ။

မိူၼ်ၼင်ႇလႆႈႁၼ်ၼႂ်းၶႅပ်းႁၢင်ႈမႆၢသွင်ၼၼ်ႉ ဢၼ်ယွမ်ႉသီလႅင်ဝႆႉႄတႉ ႁွင်ႉဝႃႈ Creative Zone ၼႆ ယဝ်ႉ။ Creative Zone ဢၼ်ဝႃႈၼႆႉ ပဵၼ် Mode ဢၼ်ၸဝ်ႈၵဝ်ႇၸၢင်ႈမၵ်းမၼ်ႈ Setting တင်းမူတ်း ဢမ်ႇၼၼ် Setting ဢၼ်ၼမ်လိူဝ်ေသၼုိင်ႈဢၼ် ႁင်းၵူၺ်းၼၼ်ႉယဝ်ႉ။ ၶဝ်ၸူိဝ်းၼႆႉ ပဵၼ် M, AV, TV ႄလႈ P ၼၼ်ႉယဝ်ႉ။ Automatic Zone (Basic Zone) ဢၼ်ဝႃႈၼႆႉႄတႉ ၸႅင်ႈလႅင်းလီ ယူႇယဝ်ႉ။ Automatic Zone (Basic Zone) ၼႆႉ ယူႇတီႈ Setting ၶွင်ၵွင်ႈထႆႇေသ မၵ်းမၼ်ႈပၼ် ၸွမ်းၼင်ႇငဝ်းလႆၢးဢၼ်ပဵၼ်ယူႇ။ ဢၼ်ၸဝ်ႈၵဝ်ႇလူဝ်ႇလႆႈႁဵတ်းၼၼ်ႉႄတႉ လိူၵ်ႈဢဝ်ၼင်ႇၵၢင်ၸႂ် ေသ ထႆႇၶႅပ်းႁၢင်ႈၵူၺ်း။

M Mode (Manual Mode)

ၸွမ်းၼင်ႇ Manual ၼၼ်ႉေၵႃႈ ၸႅင်ႈလႅင်းလီမိူၼ်ၵၼ်ယူႇ။ Aperture, Shutter Speed, ISO ၸိူဝ်း ၼႆႉ ပဵၼ် Manual တင်းသဵင်ႈယဝ်ႉ။ ယွၼ်ႉၼၼ်ႄလႈ ၸဝ်ႈၵဝ်ႇ မၵ်းမၼ်ႈၶဝ်လႆႈ ၼင်ႇၵၢင်ၸႂ်ၸဝ်ႈ ၵဝ်ႇယူႇ။ Manual Mode ဢၼ်ဝႃႈၼႆႉ ပဵၼ် Professional Mode ၼႆေၵႃႈ ဝႃႈလႆႈယူႇၼင်ႇၵဝ်ႇ။ ၵူၺ်းၵႃႈ Manual Mode ၼႆႉ မိူဝ်ႈၸဝ်ႈၵဝ်ႇမီးၶၢဝ်းယၢမ်းလီꧦေသ ထႆႇၶႅပ်းႁၢင်ႈၼၼ်ႉ မၼ်းေတလီ တွၼ်းေသတႃႉ မူိဝ်ႈၸဝ်ႈၵဝ်ႇၼႅတ်ႈ၊ ဢမ်ႇမီးၶၢဝ်းယၢမ်း မိူၼ်ၼင်ႇလူဝ်ႇထႆႇၶႅပ်းႁၢင်ႈၸွမ်း Event ေသဢၼ်ဢၼ်ႄတႉ ေတမီးပၼ်ႁႃလူင်လၢင်ဝႆႉယူႇ။ ယွၼ်ႉဝႃႈ ၸဝ်ႈၵဝ်ႇဢမ်ႇမီးၶၢဝ်းယၢမ်း တွၼ်ႈ တႃႇေတလဵၼ်ႈ Setting မၼ်းတင်းမူတ်းၼၼ်ႉယဝ်ႉ။ Subject ဢၼ်ၸဝ်ႈၵဝ်ႇေတထႆႇၼၼ်ႉ ေတ ပဵၼ်ဢၼ်တူင်ႉၼုိင်ေၵႃႈပဵၼ်လႆႈႄလႈ ၸင်ႇမီး Mode ထႅင်ႈဢၼ်ၼိုင်ႈၸွမ်းမႃးယဝ်ႉ။

AV Mode (Aperture Priority)

AV Mode ဢၼ်ဝႃႈၼႆႉ တူဝ်ယၢဝ်းမၼ်းပဵၼ် Aperture Value ယဝ်ႉ။ မၢင်ၸူိဝ်းေၵႃႈ ေတႁူႉဝႃႈ Aperture Priority ၼႆယဝ်ႉ။ AV Mode ၼႆႉ မူိဝ်ႈေတထႆႇၶႅပ်းႁၢင်ႈၼၼ်ႉ ၸဝ်ႈၵဝ်ႇဢမ်ႇတၢပ်ႈ လူဝ်ႇလဵၼ်ႈ Setting တင်းမူတ်းေသ ပုၼ်ႈၽွၼ်းၸဝ်ႈၵဝ်ႇၼၼ်ႉ လူဝ်ႇလႆႈလဵၼ်ႈပၼ် Aperture ဢၼ်မီးၼႂ်းၸုမ်း Exposure Triangle ၼၼ်ႉၵူၺ်း။ Shutter Speed ႄတႉ ၵွင်ႈထႆႇၼၼ်ႉ ေတ မၵ်းမၼ်ႈပၼ်ၸွမ်းငဝ်းလႆၢးမၼ်းၵူၺ်း။ ISO သမ်ႉ ၸဝ်ႈၵဝ်ႇၶႂ်ႈဝႆႉပဵၼ် Auto ေၵႃႈလႆႈ မၵ်းမၼ်ႈ ဢဝ်ႁင်းၵူၺ်းၸဝ်ႈၵဝ်ႇေၵႃႈလႆႈ။ ယွၼ်ႉၼၼ်ႄလႈ ၸဝ်ႈၵဝ်ႇဢမ်ႇတၢပ်ႈလူဝ်ႇမႆႈၸႂ်ၸွမ်းလွင်ႈ သႆၢ လႅင်း (Exposure) သင်ေသ ၸဝ်ႈၵဝ်ႇလိူၵ်ႈဢဝ် ၵႃႈၶၼ် Aperture ၼင်ႇၵၢင်ၸႂ်ၸဝ်ႈၵဝ်ႇလႆႈယူႇ။ မိူဝ်ႈထႆႇ Time-lapse ၼၼ်ႉ ၵမ်ႉပႃႈၼမ်ေၵႃႈ သူင်ၸႂ်ႉ Mode ၼႆႉယူႇ။

TV Mode (Shutter Priority)

ၸိုဝ်ႈ Mode ၼႆႉႄတႉ ႁွင်ႉဝႃႈ Time Value ၼႆယဝ်ႉ။ မၢင်ၸူိဝ်းေၵႃႈ ေတႁွင်ႉဝႃႈ Shutter Priority ။ မၼ်းေၵႃႈ ၸႅင်ႈလႅင်းလီ မူိၼ်ၼင်ႇ Aperture Priority ၼၼ်ႉၵူၺ်းၼင်ႇၵဝ်ႇ။ ၵွင်ႈထႆႇ ေတလဵၼ်ႈ ပၼ် Setting တင်းသဵင်ႈေသ ပုၼ်ႈၽွၼ်းၸဝ်ႈၵဝ်ႇႄတႉ လူဝ်ႇလႆႈလဵၼ်ပၼ် Shutter Speed ၵူၺ်ႈ။ TV Mode ႄတႉ ၵမ်ႉပႃႈၼမ်ေတဢဝ်ၸႂ်ႉဢဝ်ၸႂ်ႉၸွမ်း ပၢင်ပွႆး၊ တီႈဢၼ်မီးလွင်ႈတူင်ႉၼုိင်ၼမ် ၼင်ႇႁိုဝ်ေပႃးေတဢမ်ႇႁႂ်ႈၶႅပ်းႁၢင်ႈပဵၼ် Motion Blur ၼၼ်ႉယဝ်ႉ။

P Mode (Program Mode)

Program Mode ဢၼ်ဝႃႈၼႆႉ တီႈေတႉမၼ်းေၵႃႈ ပဵၼ် Auto Mode ၵူၺ်းၼင်ႇၵဝ်ႇ။ တီႈဢၼ် လၢၵ်ႇလႆၢးမၼ်းႄတႉ ၸဝ်ႈၵဝ်ႇလဵၼ်ႈ ISO လႆႈ ၼင်ႇၵၢင်ၸႂ်ၸဝ်ႈၵဝ်ႇၼၼ်ႉယဝ်ႉ။ ပိၵ်ႉသမ်ႉဝႃႈ ႁဝ်းဢမ်ႇၸၢင်ႈလဵၼ်ႈ Aperture ႄလႈ Shutter Speed လႆႈ ဢၼ်လႂ် ဢၼ်ၼၼ်ႉေသတႃႉ ႁဝ်း ၸၢင်ႈဢဝ်သွင်ဢၼ်ၼၼ်ႉ ႁူမ်ႈၵၼ်ေသ လဵၼ်ႈ Exposure Setting ယူႇ။ လိူဝ်ၼၼ်ႉေၵႃႈ မၼ်း ဢမ်ႇမိူၼ် Full Auto Mode ႄလႈ ႁဝ်းေတၸၢင်ႈပိၵ်ႉႁႂ်ႈၾႆး Pop Up မၼ်း ဢမ်ႇၸၢင်ႈၽုၺ်ႇႁင်း ၵူၺ်းယူႇ။ ၵမ်ႉပႃႈၼမ် ေတၵႆႉၵႂင်ယွၼ်ႉ Program Mode ႄလႈ Full Auto (Green Square) ၼႆႉ ယူႇ။

- ၼႂ်း Creative Zone ဢၼ်ပဵၼ် AV, TV, P ၼႆႉ ေတႁွင်ႉဝႃႈ Semi Auto Mode ၼႆယဝ်ႉ။

ၵမ်းၼႆႉ ေတသိုပ်ႇသပ်းလႅင်းႄၼ လွင်ႈ Automatic Zone ၵႂႃႇ။လဵပ်ႈႁဵၼ်းတူၺ်းတီႈၶႅပ်းႁၢင်ႈမႆၢၸဵတ်းၼႆႉ လႆႈယူႇ။

တီႈ Zone ၼႆႉ ေတႁူမ်ၵၼ်တင်းမူတ်းေသ သပ်းလႅင်းႄၼၵႂႃႇယူႇ။ လွၵ်းသီၶဵဝ် ဢၼ်မီးပႃႈၼိူဝ် ၼၼ်ႉႄတႉ ပဵၼ် Full Auto Mode ယဝ်ႉ။ ႄလႈ မၼ်းပဵၼ် Mode ဢၼ်ႁဝ်းဢမ်ႇတၢပ်ႈလူဝ်ႇ ဝူၼ်ႉသင်ၸွမ်းၼၼ်ႉယဝ်ႉ။ မိူဝ်ႈထႆႇၼၼ်ႉ ၵွင်ႈထႆႇၸဝ်ႈၵဝ်ႇ ေတမၵ်းမၼ်ႈ Exposure ပၼ်ၵူၺ်း မၼ်းေသ ေတႁဵတ်းပဵၼ်ၶႅပ်းႁၢင်ႈဢွၵ်ႇမႃးယူႇ။ သင်ဝႃႈ ၵွင်ႈထႆႇၼၼ်ႉထတ်းသၢင်သႆၢလႅင်းယဝ်ႉ ႄလႈ မၼ်းဢမ်ႇၵုမ်ႇထူၼ်ႈၼႆၸိုင် Pop Up Flash ဢၼ်ၵိုၵ်းၵွင်ႈထႆႇၸဝ်ႈၵဝ်ႇမႃးၼၼ်ႉ ေတပိုတ်ႇ ၶိုၼ်ႈပၼ်ယူႇ။ သိုပ်ႇမႃးထႅင်ႈဢၼ်ၼိုင်ႈသမ်ႉ ပဵၼ် No Flash Mode ယဝ်ႉ။ လွင်ႈႁဵတ်းသၢင်ႈမၼ်း ငႆၢးမူိၼ် Full Auto Mode တင်းပိုၵ်းေသ မီး Flash မၼ်းၵူၺ်း ဢၼ်ေတဢမ်ႇပိုတ်ႇဢွၵ်ႇမႃး။ ယွၼ်ႉၼၼ်ႄလႈ မူိဝ်ႈပႆႇေမႃထႆႇၶႅပ်းႁၢင်ႈလီလီၼၼ်ႉ ၸင်ႇလႆႈမီးလွင်ႈဢၼ်ၸၢင်ႈဢဝ်ထႆႇဢွၵ်ႇ မႃးၼၼ်ႉယဝ်ႉ။ မိူဝ်ႈၶူဝ်းၶွင်ဢၼ်ႁဝ်းေတထႆႇဢမ်ႇယွမ်းႁပ်ႉသႅင်ၽႆး (ေပႃးၽႆးထွင်ႇ မၼ်းႁူိဝ်ႈၼႃႇ ပူၼ်ႉ) ၼၼ်ႉ ႁဝ်းၸင်ႇထုၵ်ႇလီၸႂ်ႉ No Flash Mode ၼႆႉယဝ်ႉ။ ထႅင်ႈ Mode ၼိုင်ႈသမ်ႉ ႁွင်ႉဝႃႈ Portrait Mode ယဝ်ႉ။ ႄလႈ  Portrait Mode ေၵႃႈ မူိၼ်ၼင်ႇ Full Auto Mode ၼၼ်ႉၵူၺ်း။ Landscape, Marco, Sport, Night Portrait ၶဝ်ၸူိဝ်းၼႆႉေၵႃႈ ေတႃႈၼင်ႇၼၼ်ၵူၺ်းၼင်ႇၵဝ်ႇ။ ၵူၺ်းၵႃႈ တီႈၼႆႈေတမီးေၶႃႈထၢမ်ဝႃႈ ေပႃးၶဝ်ပဵၼ် Full Auto Mode တင်းမူတ်းၼႆ ယွၼ်ႉသင် သမ်ႉဢဝ်မႃးၸႅၵ်ႇႁဵတ်းသင်ထႅင်ႈ ၼႆယူႇ။ ပိၵ်ႉသမ်ႉဝႃႈ ၶဝ်ပဵၼ် Auto Mode ေသတႃႉ မၼ်းေၵႃႈ ဢိင်ၼူိဝ်လွင်ႈလူင်ႉလႅၼ်ဢၼ်လႂ် ဢၼ်ၼၼ်ႉယူႇ။ သင်ဝႃႈ ပဵၼ် Portrait ၸုိင် Aperture မၼ်း ေတၵႅပ်ႈပၼ် ၼင်ႇၵႃႈမၼ်းၵႅပ်ႈလႆႈေသ ႁဵတ်းပၼ်ႁႂ်ႈေပႃးလႆႈ Depth of field ၼၼ်ႉယဝ်ႉ။ သင်ဝႃႈ ပဵၼ် Landscape သမ်ႉ Aperture မၼ်းေတၵႂၢင်ႈပၼ် ၼင်ႇၵႃႈၵႂၢင်ႈလႆႈေသ ႁဵတ်းႁႂ်ႈၶႅပ်းႁၢင်ႈဢၼ် ၸဝ်ႈၵဝ်ႇေတထႆႇၼၼ်ႉ ၸႅင်ႈလီတင်းၶႅပ်းယူႇ။ ေပႃးဝႃႈပဵၼ် Marco ႄတႉ ထုၵ်ႇလီၸႂ်ႉ Marco Lens ယူႇ။ ၵူၺ်းၵႃႈ Marco Mode ၼႆႉသမ်ႉ မၼ်းတတ်း Focus ပၼ်ၸမ်ၼင်ႇၵႃႈၸမ်လႆႈ။ Sport Mode ၼၼ်ႉ High Shutter Speed ၼႆေၵႃႈဝႃႈ။ Mode ၼႆႉ ပဵၼ်တွၼ်ႈတႃႇထႆႇၶူဝ်းၶွင် ဢမ်ႇၼၼ် ၵူၼ်း ဢၼ်တူင်ႉၼိုင်ဝႆးၸူိဝ်းၼၼ်ႉ။ ၼင်ႇႁိုဝ်ေတထႆႇလႆႈၼၼ်ႉေၵႃႈ Shutter Speed မၼ်းမၵ်းမၼ်ႈၵႃႈ ၶၼ်မၼ်းဝႆႉသုင်သုင်ယူႇ။ လိူၼ်းသုတ်း Night Portrait Mode ႄတႉ ပဵၼ်တွၼ်ႈတႃႇထႆႇၶၢဝ်းယၢမ်း ၵၢင်ၶမ်ႈ။ ပိၵ်ႉသမ်ႉဝႃႈ Mode ဢၼ်ၼႆႉ မၼ်းေတပိုတ်ႇပၼ် Pop Up Flash ေသတႃႉ မၼ်းသမ်ႉ ႁဵတ်းသၢင်ႈႁႂ်ႈၵၢၼ်ထႆႇၶႅပ်းႁၢင်ႈႁဝ်းထိူင်းပႃး။ ယွၼ်ႉဝႃႈ Aperture ၼႆႉ မၼ်းပဵၼ်တူဝ်ဢၼ်ထိင်း Intensity ၶွင် Flash ၼၼ်ႉယဝ်ႉ။ Shutter သမ်ႉ ၶိုၼ်းထိင်းပၼ်သႆၢလႅင်းႁိမ်းႁွမ်းၸိူဝ်းၼၼ်ႉ။ ၸိူင်ႉၼၼ်ႄလႈ ယူႇတီႈ Flash ထွင်ပၼ် ၶူဝ်းၶွင်ဢၼ်ႁဝ်းယိူင်းဝႆႉၼၼ်ႉ ႁႂ်ႈလႅင်းေသ Shutter သမ်ႉ ေတပိၵ်ႉပၼ်ထူိင်းထိူင်း ပိူဝ်ႈတႃႇႁႂ်ႈသၢႆလႅင်းၶဝ်ထိုင်လႆႈ ပိုၼ်ႉလင် (Background) ၶူဝ်းၶွင် ဢၼ်ႁဝ်းယူိင်းဝႆႉၼၼ်ႉယဝ်ႉ။ သင်ဝႃႈ Shutter ဢမ်ႇႁဵတ်းသၢင်ႈပၼ်ထူိင်းထိူင်းၸိူင်ႉၼၼ်ႉၸုိင် ၶႅပ်းႁၢင်ႈဢၼ်ႁဝ်းေတလႆႈမႃးၼၼ်ႉေၵႃႈ ေတပဵၼ်ၶႅပ်းႁၢင်ႈ ဢၼ်ပိူၼ်ႈႁွင်ႉဝႃႈ Bad Flash Photos (ၶႅပ်းႁၢင်ႈဢၼ်မီးသႆၢလႅင်းတီႈၶူဝ်းၶွင်တီႈလဵဝ်ေသ တၢင်းလင်မၼ်းလပ်းသိင်ႇဝႆႉ) ၼႆယဝ်ႉ။ ပိၵ်ႉသမ်ႉဝႃႈ Mode ဢမ်ႇလမ်ႇလွင်ႈထိုင်တီႈဢမ်ႇႁူႉေၵႃႈဢမ်ႇပဵၼ်သင်ၼႆေသတႃႉ သင်ဝႃႈၸဝ်ႈၵဝ်ႇ ႁူႉဝႆႉၼႆႉ ေတၶႅၼ်းလီ။ Mode ၼႆႉ တီႈေတႉမၼ်း ဢမ်ႇေပႃးမီးၽႂ်ၸႂ်ႉတိုဝ်းၼင်ႇၵဝ်ႇ။ ယူႇတီႈ Auto Mode ၸိူဝ်းၼႆႉေသ ၸၢင်ႈႁဵတ်းႁႂ်ႈႁဝ်းႁူႉလႆႈလွင်ႈႁဵတ်းသၢင်ႈၶွင် Auto ယူႇ။

Kem Murng Photography

Ref: Phyo Zan Film’s Book