ၵူၼ်း 5 မဵဝ်း ဢၼ်လူဝ်ႇလႆႈငိူင်ႉဝႄႈ

ၵူၼ်းဢမ်ႇလီၼႆႉ ၶဝ်ယႃႉႁႂ်ႈႁႅင်းၸႂ်ၸဝ်ႈၵဝ်ႉ လူႉသေဢမ်ႇၵႃး ၶဝ်မေႃသၢၼ်ၶတ်းပႃး သဵၼ်ႈတၢင်းၼႂ်းၸၢတ်ႈပၢၼ် ဢၼ်ၸဝ်ႈၵဝ်ႇ လိူၵ်ႈၼၼ်ႉထႅင်ႈၵွၼ်ႇ ႉႉႉ ၶဝ်ၸၢင်ႈမေႃႁဵတ်း ႁႂ်ႈၼႃႈၵၢၼ် ဢၼ်ၸဝ်ႈၵဝ်ႇႁဵတ်းၼၼ်ႉ ယၢပ်ႇၽိုတ်ႇလႄႈ တေၸၢင်ႈႁဵတ်းႁႂ်ႈၸဝ်ႈၵဝ်ႇ ႁႅင်းၸႂ်တူၵ်းသေ ၸဵဝ်းယွမ်းၵၢၼ်ႉပႃးထႅင်ႈ ၶဝ်ၸိူဝ်းၼႆႉ မီးယူႇဝႆႉၵူႈတီႈသေ ၽွင်းမိူဝ်ႈ ၸဝ်ႇၵဝ်ႇႁဵတ်းၵၢၼ်ၸွမ်းၶဝ် ဢမ်ႇၼၼ် ၶဝ် ပဵၼ်ၵူၼ်းၼႂ်းၼႃႈႁိူၼ်းၼႆၸိုင် တႃႇၸဝ်ႈၵဝ်ႇ တေဝႄႈၶဝ်ၵေႃႈ တေယၢပ်ႇဝႆႉယူႇ ႉႉႉ ၵူၺ်း ၵႃႈ ၸဝ်ႈၵဝ်ႇတိုၼ်းလူဝ်ႇလႆႈႁႃလွၵ်းလၢႆး တႃႇ တေႁေႉၵင်ႈလႆႈ လွင်ႈဢၼ်ၶဝ်ယႃႉၵဝ်း ၼၼ်ႉဢိူဝ်ႈ ႉႉႉ ပႃႈတႂ်ႈၼႆႉ တေပဵၼ်ဝႆႉ ၵူၼ်း 5 မဵဝ်း ဢၼ် ၸဝ်ႈၵဝ်ႇလူဝ်ႇလႆႈငိူင်ႉဝႄႈယဝ်ႉ ႉႉႉ 

1.  ၵူၼ်းမေႃသေႉၼႄး~ ၵူၼ်းၵေႃႉဢၼ်မေႃသေႉၼႄးၼၼ်ႉ မၼ်း တေသေႉၼႄး ၵူႈလွင်ႈလွင်ႈ ဢၼ်ၵပ်းၵၢႆႇ ၵၼ်တင်းၸဝ်ႈၵဝ်ႇယဝ်ႉ ႉႉႉ ၶဝ်ဢမ်ႇႁဵၼ်းႁူႉ လွင်ႈတၢင်း ႁႂ်ႈတႅတ်ႈၼႅတ်ႈဢွၼ်တၢင်းသေ ၶဝ်တေႁႂ်ႈမၼ်းၶွတ်ႇယွတ်ႈတိၵ်းꧦၼၼ်ႉယဝ်ႉ ၶဝ်တေဢမ်ႇမေႃထွမ်ႇ ဢမ်ႇၼၼ် ဢဝ်ၵႂၢမ်း ပိူၼ်ႈသေဢမ်ႇၵႃႈ လွင်ႈၵပ်းသိုပ်ႇၶဝ်ၵေႃႈ တေ ဢမ်ႇၶႅမ်ႉလႅပ်ႈၵႃႈႁိုဝ် ႉႉႉ မၼ်းတေဢမ်ႇလႅပ်ႈ မီးပၼ်ႁႃသင်သေတႃႉ ၵူၺ်းၵႃႈ မၼ်းပဵၼ် လွင်ႈဢၼ်ႁၼ်ၽိတ်းၼိူဝ်ပိူၼ်ႈဝႆႉဢိူဝ်ႈ ႉႉႉ ၵၢၼ်ယွၼ်းတၢင်းႁၼ်ထိုင် တီႈၵူၼ်းဢၼ်မေႃ သေႉၼႄးပိူၼ်ႈၼႆႉ မိူၼ်တၢင်းဝႃႈ ၸဝ်ႈၵဝ်ႇ ၸႂ်ႉသၢင်ႇသီႈ ၵၢပ်ႈဢဝ်ပုတ်းၼိူဝ်ႉၸဝ်ႈၵဝ်ႇ ယဝ်ႉ ႉႉႉ ၸဝ်ႈၵဝ်ႇတေဢမ်ႇလႆႈသင် တၢမ်ႈ တီႈၶဝ်ၵွၼ်ႇဢိူဝ်ႈ ႉႉႉ 
2.  ၵူၼ်းၵေႃႉဢၼ် ၶႂ်ႈယိပ်းၵမ်ပိူၼ်ႈ~ ၵၢၼ်ယိပ်းၵမ်ၵၼ်ၼႆႉ မၼ်းပဵၼ်လွင်ႈဢၼ် ႁဝ်းၵူႈၵေႃႉ ဢမ်ႇၶႂ်ႈငိၼ်း ႉႉႉ ၶဝ်တေႉ လႅပ်ႈ မိူၼ်တူဝ်ၶဝ် ဢမ်ႇႁူႉၸွမ်းသင်သေ တီႈတေႉ မၼ်းၶဝ်ႁူႉၸွမ်းၵူႈလွင်ႈလႄႈ ၶဝ်ႁူႉလွၵ်းလၢႆး ယိပ်းၵမ်ပိူၼ်ႈပႃး ႉႉႉ ၶဝ်တေၽိူမ်ႉထႅမ်ပၼ် ၾၼ်ႁၢႆႉလူင်ႁဝ်း ၸွမ်းၼင်ႇလွၵ်းလၢႆးဢၼ် ၶဝ်မီး ႉႉႉ ဢမ်ႇဝႃႈလွင်ႈသင်ၵေႃႈယဝ်ႉ ၶဝ် တိုၼ်းၽွမ်ႉတၼ်းယူႇတႃႇသေႇ ႉႉႉ ၵူၼ်းဢၼ်ၶႂ်ႈယိပ်းၵမ်ၸဝ်ႈၵဝ်ႇၼၼ်ႉ မၼ်း ၸၢင်ႈႁဵတ်းႁႂ်ႈၸဝ်ႈၵဝ်ႇ ဢမ်ႇၸၢင်ႈတႅပ်းတတ်း တွၼ်ႈတႃႇတူဝ်ၸဝ်ႈၵဝ်ႇလႆႈ ႉႉႉ လႄႈ ၸဝ်ႈၵဝ်ႇ ၵေႃႈ တေဢမ်ႇႁူႉလႆႈဝႃႈ ဢၼ်လႂ်ၵိုင်ႇတၢၼ်ႇ ၸွမ်းၸဝ်ႈၵဝ်ႇ လိူဝ်သေပိူၼ်ႈ ႉႉႉ ၶဝ်တေၸၢင်ႈ ယႃႉႁႂ်ၸဝ်ႈၵဝ်ႇ ဢမ်ႇမီးလွင်ႈယုမ်ႇယမ်ၼိူဝ် တူဝ်ၸဝ်ႈၵဝ်ႇလႄႈ ႁဵတ်းႁႂ်ႈၸဝ်ႈၵဝ်ႇ ဝူၼ်ႉဝႃႈ ၸဝ်ႈၵဝ်ႇ ၶၢတ်ႇသင်သေလွင်ႈꧦၼႆယဝ်ႉ ႉႉႉ ႁႂ်ႈ ယူႇႁၢင်ႇၵႆ ၵူၼ်းၸိူဝ်းၼႆႉဝႆႉလႄႈ ႉႉႉ 
3. ၵူၼ်းဢၼ်မေႃပႅတ်ႉလႅၼ်~ တွၼ်ႈတႃႇတေဢွင်ႇပေႉလႆႈၼၼ်ႉ ၸဝ်ႈၵဝ်ႇ လူဝ်ႇလႆႈယူႇၸွမ်း တူင်ႇဝူင်းၵူၼ်းၸိူဝ်းဢၼ် ၶဝ်ဢွင်ႇပေႉသေ ဢၼ်ၸဝ်ႈၵဝ်ႇတေယုမ်ႇယမ် ၶဝ်လႆႈၼၼ်ႉဢိူဝ်ႈ ႉႉႉ ၸဝ်ႈၵဝ်ႇဢမ်ႇၸၢင်ႈ ယုမ်ႇယမ်လႆႈ ၵူၼ်းပႅတ်ႉလႅၼ်လႄႈ တႃႇတေ လၢမ်းၶၢတ်ႈတူဝ်ၶဝ်ၵေႃႈ တေယၢပ်ႇဝႆႉယူႇ ႉႉႉ ယွၼ်ႉပိူဝ်ႈ ၸဝ်ႈၵဝ်ႇဢမ်ႇႁူႉလႆႈဝႃႈ ၶဝ်ပႅတ်ႉ လႅၼ်ႁိုဝ် လၢတ်ႈလွင်ႈတေႉ ႉႉႉ ၵူၼ်းမဵဝ်း ဢၼ်လၢမ်းၶၢတ်ႈၶဝ်လႆႈယၢပ်ႇၸိူဝ်းၼႆႉ ၶဝ် ၶႅၼ်းမီးတိုဝ်ႉတၢင်းလီ တႃႇတေယႃႉၵဝ်း ၸဝ်ႈ ၵဝ်ႇတူၵ်းလႆႈ ႉႉႉ ဢဝ်ၶဝ် ဢွၵ်ႇပႅတ်ႈ တၢမ်ႈတီႈ ၸၢတ်ႈပၢၼ်ၸဝ်ႈၵဝ်ႇလႄႈ သင်ဝႃႈၸဝ်ႈၵဝ်ႇ ထုၵ်ႇပႅတ်ႉလႅၼ်မႃးၼႆၸိုင် မၼ်းတေဢမ်ႇၸႂ်ႈ လွင်ႈလီယွင်ႈဢၢမ်းသင် ႉႉႉ 
4. ၵူၼ်းဢၼ်မေႃႁၼ်ၽိတ်းၼိူဝ်ပိူၼ်ႈ~ ၵူၼ်းၸိူဝ်းဢၼ်မေႃႁၼ်ၽိတ်းၼိူဝ်ပိူၼ်ႈၼႆႉ ၶဝ်ၵႆႉလၢင်ႉပႅတ်ႈ ႁဵၼ်ႁႅင်းဢၼ်မေႃတူၺ်း ႁႂ်ႈ ထုၵ်ႇမႅၼ်ႈ ၶွင်ၸဝ်ႈၵဝ်ႇၼၼ်ႉ ပႅတ်ႈၵမ်းလဵဝ် ၶဝ်တေၶတ်းၸႂ် ယႃႉၵဝ်း ၵူၼ်းႁိမ်းႁွမ်းၶဝ် ႁႂ်ႈ ပေႃးတူၵ်းသုမ်း ႉႉႉ ၸဝ်ႈၵဝ်ႇ တေဢမ်ႇလႆႈႁပ်ႉ ၶေႃႈၵႂၢမ်းပၼ်ႁႅင်းသင် တၢမ်ႈတီႈၶဝ်ၵွၼ်ႇဢိူဝ်ႈ ၶဝ်တေယႃႉၵဝ်း ပၢႆးဝူၼ်ႉၸဝ်ႈၵဝ်ႇ ၵူႈဢၼ် ဢၼ်ၸဝ်ႈၵဝ်ႇမီး ႉႉႉ ၶဝ်တေႁဵတ်းသၢင်ႈ ၵူႈ လၢႆး ၼင်ႇႁိုဝ် ၸဝ်ႈၵဝ်ႇ ပေႃးတေတူၵ်းသုမ်း ၼၼ်ႉယဝ်ႉ ႉႉႉ ၶဝ်ဢမ်ႇမီးဝၼ်း သႂ်ႇၸႂ်ၼိူဝ် လွင်ႈဢၼ်ၸဝ်ႈၵဝ်ႇ ႁဵတ်းပဵၼ်လႆႈၼၼ်ႉလေႃႇ ၶဝ်ၸိူဝ်းၼႆ ပဵၼ်ငဝ်ႈပၼ်ႁႃလူင် ဢၼ်မေႃႁၼ် ပုၼ်ႈသုၼ်ႇတူဝ်သေပိူၼ်ႈယဝ်ႉ ႉႉႉ ၽႂ်လႂ်သမ်ႉ တေၶႂ်ႈလႆႈ လွင်ႈတၢင်းၸိူဝ်းၼႆႉလႃႇ ? 
5. ၵူၼ်းၶီႈၵေႉ ႁေႈတႃ~ ၽွင်းမိူဝ်ႈၸဝ်ႈၵဝ်ႇ မီးလွင်ႈယၢပ်ႇၽိုတ်ႇၼၼ်ႉ တွၼ်ႈတႃႇတေလႆႈ လွင်ႈၵမ်ႉႁႅင်းၸွႆႈထႅမ် တၢမ်ႈ တီႈသေၵေႃႉꧦၼႆႉ မၼ်းလွမ်ႇလွင်ႈဝႆႉဢိူဝ်ႈ ႉႉႉ ၵူၺ်းၵႃႈ ၽွင်းမိူဝ်ႈၸဝ်ႈၵဝ်ႇ ၶိုၼ်ႈယႂ်ႇသုင်ၼႃႇ ပူၼ်ႉတီႈယဝ်ႉၼၼ်ႉၵေႃႈ ၵၢၼ်လူဝ်ႇလႆႈမီး ၵူၼ်းၵေႃႉဢၼ်တေၸၢင်ႈပၼ် ၾၢင်ႉၸဝ်ႈၵဝ်ႇ ၼႆႉ လမ်ႇလွင်ႈဝႆႉ မိူၼ်ၵၼ်ယူႇ ႉႉႉ ၵူၼ်းၸိူဝ်း ဢၼ်မေႃၶီႈၵေႉ ပိူၼ်ႈၼႆႉတႄႉ ၶဝ်တေဢမ်ႇမီး တၢင်းမူၼ်ႈသိူဝ်းၸွမ်း လွင်ႈဢၼ်ၸဝ်ႈၵဝ်ႇ ဢွင်ႇပေႉၼၼ်ႉလေႃႇ ႉႉႉ ၶဝ်တေၵုမ်ႇဝူၼ်ႉဝႃႈ လွင်ႈဢွင်ႇပေႉၼႆႉ မၼ်းၵိုင်ႇထိူၵ်ႈၸွမ်းၶဝ် ၵူၺ်း ၼႆယူႇ ႉႉႉ ၶဝ်တေၶတ်းၸႂ် ႁဵတ်းႁႂ်ႈၸဝ်ႈ ၵဝ်ႇ ဝူၼ်ႉၽိတ်းၼိူဝ် လွင်ႈဢွင်ႇပေႉၸဝ်ႈၵဝ်ႇ ဢမ်ႇၼၼ် ႁဵတ်းႁႂ်ႈၸဝ်ႈၵဝ်ႇဝူၼ်ႉဝႃႈ လွင်ႈ ဢွင်ႇပေႉၼႆႉ မၼ်းဢမ်ႇၵိုင်ႇထိူၵ်ႈၵၼ် တင်း ၸဝ်ႈၵဝ်ၼႆယဝ်ႉ ႉႉႉ ၶဝ်ႁဵတ်းၸိူင်ႉၼႆၵေႃႈ မၼ်းပဵၼ်တွၼ်ႈတႃႇတူဝ်ၶဝ် တေလႆႈႁပ်ႉႁူႉ ၸွမ်းလွင်ႈမူၼ်ႈသိူဝ်းဢိတ်းဢွတ်းသေဢမ်ႇ ၵႃး ႁဵတ်းႁႂ်ႈတူဝ်ၶဝ် ၵတ်ႉၶႅၼ်ႇ ၶိုၵ်ႉၶႅမ်ႉ လိူဝ် သေၸဝ်ႈၵဝ်ႇၼႆယူႇ ႉႉႉ သင်ဝႃႈ ၼႂ်းၸၢတ်ႈ ပၢၼ်ၸဝ်ႈၵဝ်ႇၼႆႉ မီးဝႆႉၵူၼ်းမဵဝ်းၼႆ ၼႆၸိုင် ဢဝ်ၶဝ်ဢွၵ်ႇပႅတ်ႈ တၢမ်ႈတီႈၸၢတ်ႈပၢၼ်ၸဝ်ႈ ၵဝ်ႇၵမ်းလဵဝ်လႄႈ ႉႉႉ သင်ဝႃႈၵူၼ်း 5 မဵဝ်းၼႆႉ ပဵၼ်ဝႆႉ ၵူၼ်းၼႂ်းၼႃႈ ႁိူၼ်းၸဝ်ႈၵဝ်ႇၸိုင် တႃႇတေငိူင်ႉဝႄႈၶဝ်ၼႆႉ မၼ်းဢမ်ႇပဵၼ်လႆႈ ႁူဝ်ပၢၵ်ႇတဵမ် ႉႉႉ ၵူၺ်းၵႃႈ ၸဝ်ႈၵဝ်ႇတေၸၢင်ႈလိူၵ်ႈ တႃႇတေထူပ်းၶဝ် ယူႇၸွမ်းၶဝ် ၼႂ်းၶၢဝ်းယၢမ်းဢေႇꧦယူႇ ႉႉႉ လႄႈ ဢမ်ႇတၢပ်ႈလူဝ်ႇဝူၼ်ႉသွၼ်ႇသင်ၸွမ်း ၶေႃႈၵႂၢမ်း ဢၼ်ၶဝ်လၢတ်ႈၼၼ်ႉလေႃႇ ႉႉႉ ၸဝ်ႈၵဝ်ႇ တေထုၵ်ႇၶဝ်ၸိူဝ်းၼၼ်ႉ ၵုမ်းၵမ် ၸၢတ်ႈပၢၼ်ၸဝ်ႈၵဝ်ႇလႆႈသေတႃႉ ၵူၺ်းၵႃႈ ယႃႇပေႇပွႆႇႁႂ်ႈၶဝ် ဢဝ်ပၢႆးဝူၼ်ႉ ဢၼ်မေႃႁၼ် ၽိတ်းၼိူဝ်ပိူၼ်ႈသေ မႃးၵုမ်းၵမ်ၸဝ်ႈၵဝ်ႇ ႉႉႉ 

  
ၵႅမ်မိူင်း ပိၼ်ႇတႅမ်ႈ