မုင်ႈတူၺ်းၵႂႃႇတၢင်းဢွၵ်ႇ
တူၼ်ႈမႆႉတွၵ်ႇၼမ်ထူၼ်ႈ
သတ်းႁူမ်မူၼ်ႈသိူဝ်းသႃႇ
မီးတႃႇတီႈယဵမ်ႉလေႇ
ဢၼ်လႆႈတေႇဝႆႉႁိုင်
ႁဝ်းၸိုင်ႁွင်ႉလွႆမူၼ်း ...
သင်ယၢင်ႈၸူးတၢင်းၸၢၼ်း
တီႈတူဝ်ၵႂၢင်ၽၢၼ်းၼမ်
တေလႆႈႁၼ်လွႆဝူဝ်း
ႁဝ်းၸူဝ်းႁဵတ်းႁႆႈသူၼ် ...
သိုပ်ႇၵႂႃႇတၢင်းတူၵ်းၸမ်ႉ
မီးၼမ်ႉလုၵ်းလိူဝ်ႇတူၵ်း
ၽၢႆႇၼွၵ်ႈပူၵ်းပၢႆႉဝဵင်း
မီးႁူင်းႁဵၼ်းပဵင်းၽဵင်ႇ ...
ပႆၸူးတၢင်းႁွင်ႇၸိုင်
မီးတီႈၶိုင်ပူၵ်းပွင်
ၶိုင်ထွင်ၼမ်ႉၵတ်ႉႁဝ်း
ပဵၼ်တီႈလဝ်းၸိုၼ်ႈသႃႇ
ပႃးၵွင်းမူးၽႃႇဝၼႃႇ ...
ပေႃးႁွတ်ႈပွတ်းၼႂ်းၵၢင်
မီးၽၢင်ႁၢင်ႈၶိုၼ်ႈယႂ်ႇ
တေၺႃးသႂ်ႇၵၢတ်ႇလူင်
တီႈၵူၼ်းသူင်ၵိုၼ်းၶွၼ်ႈ ...
ၵႅမ်မိူင်း
No comments:
Post a Comment