ဝၼ်းမိူဝ်ႈၼႆႉ သင်ဝႃႈႁဝ်းၽုၺ်ႇတႃႇသေ မုင်ႈတူၺ်းၵႂၢင်ႈꧦ ႁႂ်ႈၸွတ်ႈထိုင်လုမ်ႈၾႃႉ ၼႆၸိုင် တေလႆႈဝႃႈ IT ၼႆႉ ၶိုၼ်ႉၸၼ်ႉ ၶိုတ်းၵၢပ်ႈမႃးတေႉတေႉဝႃႈဝႃႈယူႇ ႉႉႉ ၵူၺ်း ၵႃႈ ပိၵ်ႉသမ်ႉဝႃႈ IT ၸၼ်ႉလုမွႈၾႃႉၶိုတ်း ၵၢပ်ႈပၢၼ်မွၵ်ႈၵႃႈႁိုဝ်ၵေႃႈယဝ်ႉ သင်ဝႃႈ ႁဝ်းဝိၼ်ႇသၢႆႇ ဝၢႆႇတူၺ်းၶိုၼ်းၼႂ်းတူင်ႇဝူင်းတႆးႁဝ်းၼႆၸိုင် တေလႆႈဝႃႈ ႁဝ်းတိုၵ်ႉ တေႇတိုၼ်ႇသၢၼ်ႈၶိုၼ်ႈမႃးၵမ်ႉၽွင်ႈၵူၺ်း ႉႉႉ
ပေႃးမႃးလဵပ်ႈႁဵၼ်းတူၺ်း လွင်ႈဢၼ်လိၵ်ႈ လၢႆးႁဝ်း ပၢႆးဝူၼ်ႉႁဝ်း ဢၼ်ၶဝ်ႈထိုင်တူင်ႇ ဝူင်းပိူၼ်ႈ ဢမ်ႇၼၼ် ထိုင်လုမ်ႈၾႃႉလႆႈ ၼၼ်ႉ မၼ်းၵွင်ႉၵၢႆႇၸပ်းၵၼ်တင်းၾွၼ်ႉ တႆးဢမ်ႇၸေးမိုဝ်းၵူၼ်းႁဝ်းၵူႈၵေႃႉၼၼ်ႉ ယဝ်ႉ ႉႉႉ ယွၼ်ႉၼၼ်လႄႈ တွၼ်ႈတႃႇ ၵူၼ်းၶႂ်ႈပၼ်တၢင်းႁူႉၼိုင်ႈၵေႃႉ တေပၼ် ၼၼ်ႉ ယွၼ်ႉဝႃႈ ပေႃးတႅမ်ႈဢဝ်ၼႆ ၵူဝ် ၵူၼ်းၼႂ်းတူင်ႇဝူင်းတႆးႁဝ်း ဢမ်ႇႁပ်ႉႁူႉလႆႈတင်းမူတ်းလႄႈ ၸင်ႇလႆႈႁဵတ်းပဵၼ် ၶႅပ်းႁၢင်ႈသေ ပိုၼ်ၽႄၼႄယဝ်ႉ ႉႉႉ
ၵၢၼ်ဢၼ်ႁဵတ်းပဵၼ်ၶႅပ်းႁၢင်ႈသေ ပိုၼ် ၽႄပၼ်ၼၼ်ႉ မၼ်းတေၸၢင်ႈၶဝ်ႈထိုင် မိုဝ်းၵူၼ်းတႆးႁဝ်းလႆႈၵမ်ႈပႃႈၼမ်သေတႃႉ ၵူၺ်းၵႃႈ မၼ်းတေပဵၼ်လွင်ႈတိုတ်ႉၸၼ် ဢၼ်တေႁဵတ်းႁႂ်ႈလိၵ်ႈလၢႆးႁဝ်းၶဝ်ႈထိုင် တူင်ႇဝူင်းလုမ်ႈၾႃႉထိူင်းၵေႃႈပဵၼ်လႆႈ ႉႉႉ တီႈၼႆႈ ၵမ်ႈၽွင်ႈၵေႃႈ တေမီးၶေႃႈထၢမ် ယူႇဝႃႈ ယွၼ်ႉသင် ႉႉႉ
ယွၼ်ႉပိူဝ်ႈဝႃႈ မၼ်းပဵၼ်ၶႅပ်းႁၢင်ႈ ဢၼ်မီး ၽိုၼ်လိၵ်ႈၼိူဝ်မၼ်းသေဢမ်ႇၵႃး ၵမ်ႉပႃႈ ၼမ်တေပိုၼ်ၽႄ ၼႂ်းၽဵတ်းပုၵ်းၵူၺ်းလႄႈ မၼ်းတေဢမ်ႇၶဝ်ႈထိုင်ၼႂ်း ၵူၵိူဝ်ႉ (Google) ၼၼ်ႉယဝ်ႉ ႉႉႉ လႄႈ တေႁဵတ်း ႁႂ်ႈႁဝ်းၶူၼ်ႉသွၵ်ႈႁႃ ၽိုၼ်လိၵ်ႈလၢႆၸိူဝ်း လၢႆလွင်ႈ ဢၼ်ဢဝ်လိၵ်ႈတႆးတႅမ်ႈဝႆႉ ၼၼ်ႉယၢပ်ႇယူႇ ႉႉႉ ပိၵ်ႉသမ်ႉဝႃႈ ၽူႈပိုၼ် ၽႄပိုၼ်ႉႁူႉ ပၢႆးႁၼ်ၶဝ် ၶႂ်ႈတႅမ်ႈလိၵ်ႈသႂ်ႇ တီႈ ၽဵတ်းပုၵ်း ဢမ်ႇၼၼ် Note ဢၼ်မီးၼႂ်းၽဵတ်းပုၵ်း တႅမ်ႈသႂ်ႇတီႈၼႂ်းဝႅပ်ႉသၢႆႉ ၸိူဝ်းၼႆႉသေတႃႉ ၵူၺ်းၵႃႈ ယွၼ်ႉပိူဝ်ႈဝႃႈ ၾွၼ်ႉတႆးဢမ်ႇၸေးမိုဝ်းၵူႈၵေႃႉသေဢမ်ႇ ၵႃး ၾွၼ်ႉတႆးၵေႃႈဢမ်ႇၵႆႉၶဝ်ႈၵၼ်ပႃးလႄႈ ၽူႈပိုၼ်ၽႄၶဝ် ဢမ်ႇပေႃးၸၢင်ႈတႅမ်ႈၼၼ်ႉယဝ်ႉ ႉႉႉ
ယွၼ်ႉၼၼ်လႄႈ ၽူႈတႅမ်ႈၸင်ႇလႆႈတိုၵ်း သူၼ်း ႁႂ်ႈပီႈၼွင်ႉတႆးႁဝ်းၶဝ် ဢွၼ်ၵၼ် သႂ်ႇၾွၼ်ႉတႆးၼႆယဝ်ႉ ႉႉႉ လႄႈ ၽူၼ်းၸိူဝ်းဢၼ်ဢွၵ်ႇမႃး ၵမ်းလိုၼ်းၸိူဝ်းၼႆႉ တေ ၸၢင်ႈသႂ်ႇၾွၼ်ႉတႆးလႆႈၵမ်ႈပႃႈၼမ်ယူႇ ႉႉႉ ၶႂ်ႈတိုၵ်ႉသူၼ်းပႃး ႁႂ်ႈၽူႈတႅမ်ႈလိၵ်ႈၶဝ် တႅမ်ႈသႂ်ႇၼႂ်း Note, Blog, Website, Wikipedia ၸိူဝ်းၼႆႉပႃး ႉႉႉ
ၼပ်ႉယမ်ယႂ်ႇၼမ်သေ
ၵႅမ်မိူင်း
No comments:
Post a Comment