Shutter Speed

မိူဝ်ႈၵမ်းပူၼ်ႉ သပ်းလႅင်းႄၼလွင်ႈ ၽၵ်းတူႁပ်ႉသႆၢလႅင်းဢၼ်မီးတီႈ Lens ၵွင်ႈထႆႇယဝ်ႉၼႆႄလႈ ၵမ်းၼႆႉ ေတသိုပ်ႇသပ်းလႅင်းႄၼ ၽၵ်းတူတႃႇတိၺွပ်းၽၢင်ႁၢင်ႈ ဢၼ်မီးတၢင်းၼႃႈ Sensor ၶွင် ၵွင်ႈထႆႇၼၼ်ႉယဝ်ႉ။ ၶဝ်ႈတူၺ်းလႆႈတီႈ ၶႅပ်းႁၢင်ႈမႆၢၼုိင်ႈလႆႈယူႇၶႃႈ။

သဵၼ်ႈသီလႅင် ဢၼ်ႄၼဝႆႉၼႂ်းၶႅပ်းႁၢင်ႈၼၼ်ႉ ပဵၼ် Sensor ယဝ်ႉ။ တၢင်းၼႃႈသဵၼ်ႈသီလႅင်ၼၼ်ႉ ပဵၼ် ၽၵ်းတူ Shutter သွင်ဝႂ်။ ေပႃးယဝ်ႉ တၢင်းၼႃႈၽၵ်းတူ Shutter သွင်ဝႂ်ၼၼ်ႉ မီး Mirror (ၵႅဝ်ႈ) ဝႆႉ။ တီႈၼႆႈ ေတလႆႈႁၼ် ၽၵ်းတူ Shutter သွင်ဝႂ်ၼၼ်ႉ ယၢၼ်ၵၼ်ဝႆႉဢိတ်းꧦၼႆႄလႈ ႁဝ်း ေတႁွင်ႉဝႃႈ First Curtain ႄလႈ Second Curtain ၼႆယဝ်ႉ။ မိူဝ်ႈေတႇထႆႇၶႅပ်းႁၢင်ႈၼၼ်ႉ ယွၼ်ႉ ၵူၼ်းထႆႇႁၢင်ႈၵမ်ႈပႃႈၼမ် ေတဢမ်ႇႁူႉၸၵ်း First Curtain တင်း Second Curtain ႄလႈ ေတမီး လွင်ႈယၢပ်ႇၽိုတ်ႇဝႆႉမၢင်တီႈယူႇ။ ယွၼ်ႉၼၼ် လွင်ႈဢၼ်ႁဝ်းႁူႉဝႆႉလူင်ႈၼႃႈၼၼ်ႉ တေလီလိူဝ်ယူႇ ၼႆႄလႈ ၸင်ႇလႆႈသပ်းလႅင်းႄၼပႃးၵမ်းလဵဝ်ယဝ်ႉ။ မိူၼ်ၼင်ႇ Aperture ထုၵ်ႇၸႂ်ႉ မႆၢ f ေသ မၵ်း မၼ်ႈၵႃႈၶၼ်မၼ်း (f 1.8, 3.5, 5.6) ၼၼ်ႉ တီႈၼႆႈ ႁဝ်းေတၸႂ်ႉ Second ေသ မၵ်းမၼ်ႈၵႃႈၶၼ် Shutter Speed ယဝ်ႉ။  ႁဝ်းေတၸႂ်ႉ fraction ေသ တႅမ်ႈမႆၢၵႃႈၶၼ်မၼ်းပႃး။ မိူၼ်ၼင်ႇ 1 sec, 1/20, 1/30, 1/60, …, 1/4000 ေတႇၵႂႃႇ။ ၵွပ်ႈသင်ႄလႈ လႆႈႁွင်ႉၸိူင်ႉၼႆ ၼႆ ေတသပ်းလႅင်းႄၼ ယူႇ။ ဢွၼ်တၢင်းသုတ်း ေတလၢတ်ႈႄၼ လွင်ႈႁဵတ်းသၢင်ႈ မူိဝ်ႈတဵၵ်းၼဵၼ် Shutter ၶွင် ၵွင်ႈထႆႇ ၼၼ်ႉယဝ်ႉ။ လဵပ်ႈႁဵၼ်းတူၺ်းလႆႈတီႈ ၶႅပ်းႁၢင်ႈမႆၢသွင်ယူႇ။

ၽွင်းမူိဝ်ႈႁဝ်းတဵၵ်းၼဵၼ် Shutter ၵူၺ်း Mirror ေတၶႆၢႉၶိုၼ်ႈၵႂႃႇတၢင်းၼိူဝ်ယဝ်ႉ ေတၽုၺ်ႇပၼ် Sensor ဢၼ်ပိၵ်ႉဝႆႉၼၼ်ႉယဝ်ႉ။ ပိူင်တႅၵ်ႈမၼ်း ႁဝ်းဢဝ် Shutter Speed ဝႆႉ 1sec ၼႆႄလႈ။ လုၵ်ႉ တီႈ Curtain သွင်ဢၼ်ၼၼ်ႉေသ Second Curtain ေတယၢၼ်ဢွၵ်ႇၽႆၢႇၼႃႈ Sensor ၼၼ်ႉ ဢွၼ် တၢင်းယဝ်ႉ။ ဝႆၢးၼၼ်ႉ First Curtain ေၵႃႈ ၶႆၢႉလူင်းၵႂႃႇတၢင်းတႂ်ႈေသ ၽႆၢႇၼႃႈ Sensor ၼၼ်ႉ ေတ ဢမ်ႇမီးသင်ေႁႉဝႆႉယဝ်ႉ။ ႁဵတ်းၼၼ်ေသ သႆၢလႅင်းေတလုၵ်ႉတီႈတၢင်းၼွၵ်ႈေသ ၶဝ်မႃးၼႂ်း Lens ၸွမ်းၼင်ႇဢၼ်ၸဝ်ႈၵဝ်ႇမၵ်းမၼ်ႈ Aperture Setting ဝႆႉ။ ေပႃးယဝ်ႉ သႆၢလႅင်းေတၶဝ်ႈမႃးေပႃႉသႂ်ႇ Sensor ၸင်ႇေတပဵၼ် ေၶႃႈမုၼ်းၶႅပ်းႁၢင်ႈမႃးယဝ်ႉ။ ၸွမ်းၼင်ႇ ၶၢဝ်းယၢမ်းဢၼ်ၽၵ်းတူၽႆၢႇၼႃႈ Sensor ၽုၺ်ႇႄလႈ ပိၵ်ႉၶိုၼ်း မိူၼ်ၼင်ႇဢၼ်ႄၼဝႆႉၼႂ်းၶႅပ်းႁၢင်ႈမႆၢသွင်ၼၼ်ႉ ႁွင်ႉဝႃႈ Shutter Speed ၼႆယဝ်ႉ။ တီႈၼႆႈ သင်ဝႃႈၸဝ်ႈၵဝ်ႇမၵ်းမၼ်ႈဝႆႉတၢင်းႁိုင်မၼ်း 1sec ၼႆၸိုင် ဝႆၢးေသတဵၵ်း ၼဵၼ်ထႆႇယဝ်ႉ 1sec ၵွၼ်ႇ Second Curtain ၼၼ်ႉ ၸင်ႇၵွႆႈလူင်းမႃးပိၵ်ႉပၼ် Sensor ၶိုၼ်း။ ဢၼ် ၸႂ်ႉ fraction ေသ ႄၼဝႆႉ မူိၼ်ၼင်ႇ 1/60 ၼၼ်ႉ ပွင်ႇဝႃႈ မၼ်းပဵၼ် 60 ပုၼ်ႈ 1 ပုၼ်ႈ ၶွင် 1sec ယဝ်ႉ။ Second ဢၼ်တႅတ်ႈေတႃးမၼ်းေၵႃႈ  1/60 = 0.016 Second ၼၼ်ႉယဝ်ႉ။ ေပႃးတူၺ်းတီႈ ၶႅပ်းႁၢင်ႈ မႆၢသွင်ေၵႃႈ တၢင်းႁိုင် Curtain တင်းသွင်ဢၼ် ဢၼ်ၽုၺ်ႇေသ ၶိုၼ်းပိၵ်ႉၶိုၼ်းၼၼ်ႉ ပဵၼ် 0.016 Second ယဝ်ႉ။ သင်ဝႃႈ မၵ်းမၼ်ႈ Shutter Speed ပဵၼ် 1/1000 (1/1000 = 0.001) တူၺ်း။ တီႈၼႆႈ Curtain တင်းသွင်ဢၼ် ေတဢမ်ႇၽုၺ်ႇ ဢမ်ႇၼၼ် ပိၵ်ႉၶိုၼ်းမိူၼ်ၼင်ႇတီႈၶႅပ်း ႁၢင်ႈမႆၢသွင်ေသ ၽွင်းမူိဝ်ႈ First Curtain ၽုၺ်ႇလူင်းၵႂႃႇၼၼ်ႉ Second Curtain ေၵႃႈ ေတလမ်း ပိၵ်ႉၶိုၼ်းၸွမ်းၵမ်းလဵဝ်။ လဵပ်ႈႁဵၼ်းတူၺ်း တီႈၶႅပ်းႁၢင်ႈမႆၢသၢမ်လႆႈယူႇ။

တီႈၼႆႈ မၼ်းေတဢမ်ႇႁဵတ်း Expose လွတ်ႈꧦလႅဝ်းꧦမိူၼ်ၼင်ႇ ဢၼ်မၵ်းမၼ်ႈ Shutter Speed ထိူင်းꧦၼၼ်ႉေသ မၼ်းေတဢိင်ၼူိဝ် Segment ဢၼ် Shutter Speed ၽုၺ်ႇဢွၵ်ႇၼၼ်ႉယဝ်ႉ တိၺွပ်းဢဝ်သႆၢလႅင်း ႁႂ်ႈပဵၼ်ၶႅပ်းႁၢင်ႈၼၼ်ႉယဝ်ႉ။ ၸွမ်းၼင်ႇ ပွတ်းတွၼ်ႈသီလိူင်ၼၼ်ႉ ၸွမ်း ၼင်ႇ Sensor ၽုၺ်ႇဢွၵ်ႇၼၼ်ႉ မၼ်းေတႁဵတ်း Expose ၵႂႃႇၵူၺ်း။

ေပႃးဝႃႈပွင်ႇၸႂ်လွင်ႈ Shutter ယဝ်ႉၼႆၸိုင် ၸဝ်ႈၵဝ်ႇေတပွင်ႇၸႂ် ၸႅင်ႈလႅင်းလီပႃးလွင်ႈ Shutter Speed ႄလႈ Exposure ၵွင်ႉၵႆၢႇၵၼ်ၸူိင်ႉႁိုဝ်ၼႆယူႇ။ ၽၵ်းတူ Shutter ၽုၺ်ႇႁိုင်မွၵ်ႈၵႃႈႁိုဝ်ေၵႃႈ သႆၢလႅင်း ေတၶဝ်ႈမႃးၼမ်မွၵ်ႈၵႃႈၼၼ်ႈယဝ်ႉ။ ယွၼ်ႉၼၼ်ႄလႈ ၵႃႈၶၼ် Shutter Speed (1/value) ၼမ်ၵႃႈႁိုဝ်ေၵႃႈ သႆၢလႅင်းေတၶဝ်ႈမႃးေဢႇမွၵ်ႈၵႃႈၼၼ်ႈယဝ်ႉ။ မိူၼ်ၼင်ႇ Aperture ၵုမ်းထိင်းပၼ် Depth of Field (DOF) ၼၼ်ႉ Shutter Speed ေၵႃႈ ထိင်းပၼ် Motion မူိၼ်ၵၼ်ယူႇ။ ေတသိုပ်ႇ သပ်းလႅင်းႄၼ လွင်ႈဢၼ်ၶႂ်ႈမႆၢထိုင် Motion ၼႆႉယူႇ။ မိူဝ်ႈႁဝ်းေတထႆႇၶႅပ်းႁၢင်ႈ၊ ၶူဝ်းၶွင် ဢမ်ႇ ၼၼ်ၵူၼ်း၊ သတ်း ဢၼ်ႁဝ်းေတထႆႇၼၼ်ႉ ေတတူင်ႉၼုိင် ဢမ်ႇၼၼ် ၼိမ်ယူႇေၵႃႈပဵၼ်လႆႈ။ မိူဝ်ႈ ေတထႆႇလွင်ႈဢၼ်တူင်ႉၼိုင်ဝႆးၼၼ်ႉ ႁဝ်းတၵ်းေတလႆႈမၵ်းမၼ်ႈၵႃႈၶၼ် Shutter Speed ႁႂ်ႈဝႆး (ၼမ်) ၸွမ်းယူႇဢမ်ႇႁၢင်ႉ။ ေပႃးႁဵတ်းၼင်ႇၵွၼ်ႇ ၶႅပ်းႁၢင်ႈဢၼ်လႆႈမႃးၼၼ်ႉေတဢမ်ႇဝဝ်း(မူဝ်း) ေသ ၶႅပ်းႁၢင်ႈေတၸႅင်ႈလႅင်းလီဝႆႉယူႇ။ တီႈၼႆႈ ေတမီးဝႃႈ ၶူဝ်းၶွင်ဢၼ်ၸဝ်ႈၵဝ်ႇေတထႆႇၼၼ်ႉ မၼ်းၵိုင်ႇလႅပ်ႈၸွမ်း Shutter Speed ဢၼ်လႂ်ၼႆပႃး။ မိူၼ်ၼင်ႇ ၵူၼ်းၶီႇလူတ်ႉ(လႅင်)၊ လႅၼ်ႈ၊ လဵၼ်ႈဢဵၼ်ႁႅင်းၸိူဝ်းၼႆႉၼႆ 1/1000 sec ၼႆႉ ပဵၼ် Starting Point (မႆၢေတႇ) မၼ်းယဝ်ႉ။ ဢၼ် ၵူၼ်းၵမ်ႈပႃႈၼမ်ထႆႇၶႅပ်းႁၢင်ႈယူႇၸွမ်းဝၼ်းလႂ် ဝၼ်းၼၼ်ႉႄတႉ ေတပဵၼ် 1/60 ေတႃႇ 1/250 ယဝ်ႉ။ Shutter Speed ၼႆႉ ႁဝ်းမၵ်းမၼ်းၵႃႈၶၼ်မၼ်းဝႆႉ 1 sec ေၵႃႈ မၼ်းေတတိၺွပ်းဢဝ် လွင်ႈ တူင်ႉၼိုင်ၼႂ်း 1 sec ၼၼ်ႉတင်းမူတ်းယဝ်ႉ။ ေပႃးပဵၼ်ၼၼ်မႃးၼႆၸိုင် ၸိူဝ်းဢၼ်တူင်ႉၼိုင်ယူႇ ၼၼ်ႉ ေတပဵၼ် Motion Blur ၵႂႃႇယူႇယဝ်ႉ။  လဵပ်ႈႁဵၼ်းတူၺ်းတီႈၶႅပ်းႁၢင်ႈမႆၢသီႇလႆႈယူႇ။

ၶႅပ်းႁၢင်ႈပွတ်းတွၼ်ႈၽႆၢၼိူဝ် ၼႂ်းၶႅပ်းႁၢင်ႈမႆၢသီၼၼ်ႉ ယွၼ်ႉမၵ်းမၼ်ႈၵႃႈၶၼ် Shutter Speed ဝႆႉ 1/125 sec ႄလႈ ၽႃႁူမ်ႇၵွင်ႈထႆႇၼၼ်ႉ ေတမူဝ်း (Blur) ဝႆႉယူႇ။ မိူၼ်ၼင်ႇၶႅပ်းႁၢင်ႈၽႆၢႇၼိူဝ်ၼၼ်ႉ ၵူၺ်းၼင်ႇၵဝ်ႇ ၶိုၼ်းႄမးမၵ်းမၼ်ႈၵႃႈၶၼ် Shutter Speed ၶိုၼ်ႈၼမ်လိူဝ်ၵဝ်ႇေသ ထႆႇႄလႈ ၸင်ႇ လႆႈၶႅပ်းႁၢင်ႈဢၼ်ၸႅင်ႈလႅင်းလီ မိူၼ်ၼင်ႇၶႅပ်းႁၢင်ႈမႆၢသီႇ ပွတ်းတႂ်ႈၼၼ်ႉယဝ်ႉ။ လိူဝ်ၼၼ်ႉ ၶိုၼ်းမၵ်းမၼ်ႈၵႃႈၶၼ် Shutter Speed ႁႂ်ႈလူင်းထိုင် 1 second ေသ ထႆႇႄလႈ ၸင်ႇလႆႈၶႅပ်းႁၢင်ႈမႆၢႁႃႈ ဢၼ်ႄၼဝႆႉၼႆႉယဝ်ႉ။

ႄလႈတီႈၼႆႈ တွၼ်ႈတႃႇၽူႈသူင်ထႆႇၶႅပ်းႁၢင်ႈ Portrait ၶဝ်ႄတႉ သင်ဝႃႈဝႆႉၵႃႈၶၼ် Shutter Speed ေဢႇꧦ မိူၼ်ၼင်ႇ 1 sec, 2 sec ၶဝ်ၸူိဝ်းၼႆႉၼႆၸူိင် တၵ်းေတလႆႈထူပ်းၺႃးပၼ်ႁႃယႂ်ႇလူင်ေတႉꧦ ဝႃႈꧦယူႇ။ ေပႃးမၵ်းမၼ်ႈၵႃႈၶၼ် Shutter Speed ေဢႇꧦေသ ထႆႇၼႆၸိုင် မုိဝ်းၸဝ်ႈၵဝ်ႇတူင်ႉဢိတ်း ၼုိင်ႈၵူၺ်းၵေႃႈ ၶႅပ်းႁၢင်ႈၸဝ်ႈၵဝ်ႇၼၼ်ႉ ေတပဵၼ် Motion Blur ေသ ေတလူႉပႅတ်ႈၵမ်းလဵဝ်ယဝ်ႉ။ ၵူၺ်းၵႃႈ ေပႃးၶႂ်ႈမၵ်းမၼ်ႈၵႃႈၶၼ် Shutter Speed ေဢႇꧦေသ ထႆႇၼႆႄတႉ ေတမီးၼမ်ႉတွၼ်းတွၼ်ႈ တႃႇၶႅပ်းႁၢင်ႈ Long Exposure, Light Paint ၶဝ်ၸိူဝ်းၼႆႉယူႇ။ မုင်ႈမွင်းဝႃႈ ၽူႈလူၶဝ်ေတပွင်ႇၸႂ် ၼူိဝ်လွင်ႈ Shutter Speed ယူႇ။

သင်ဝႃႈမီးလွင်ႈၶွင်ႈၶမ် ဢမ်ႇပွင်ႇၸႂ်ၼႆၸိုင် တွင်ႈထၢမ်မႃးတီႈ Comment လႆႈယူႇၶႃႈ။

Kem Murng Photography

Ref: Phyo Zan Film’s Book